Jahjaga pret Thaçin dhe krerët e sigurisë
15/09/2014 00:00
Ambasadori i Gjermanisë në Prishtinë: Kosovën e pret punë e vështirë për t’u anëtarësuar në Këshillin e Evropës në maj 16/04 23:01
Presidentja e Kosovës, Atifete Jahjaga zhvilloi këtë të hënë një takim me kryeministrin Hashim Thaçi dhe drejtues të institucioneve të sigurisë e gjyqësorit.
Në këtë takim u diskutuan zhvillimet aktuale në vend pas seancës së fundit të Këshillit të Sigurimit për Kosovën dhe në prag të mbledhjes së Asamblesë së Përgjithshme të OKB-së.
Duke vlerësuar punën e këtyre institucioneve dhe mekanizmave të tyre, presidentja Jahjaga e cilësoi si të nevojshëm harmonizimin e mëtejshëm të institucioneve të mandatuara për ruajtjen e rendit dhe ligjit në tërë territorin e Kosovës.
Sipas një njoftimi për shtyp, në këtë takim Jahjaga ka kërkuar nga të gjitha institucionet përgjegjëse implementimin e vazhdueshëm të marrëveshjeve të ndërmjetësuara nga Bashkimi Evropian me Serbinë dhe përshpejtimin e reformave që lidhen me përmbushjen e standardeve të përcaktuara për proceset integruese dhe liberalizimin e vizave.
Top Channel
