Debatik Curri ishte ai që shpëtoi Tiranën në këtë javë të katërt të Kategoria Superiore, duke shënuar golin e avantazhit për kryeqytetasit në minutën e 94-t në ndeshjen ndaj Elbasanit, i cili u mbrojt mirë deri në atë minutë kur rezultati ishte i barabartë 1-1.
Në një stadium të boshatisur, pas dënimit të Tiranës, vendasit kalojnë të parët në avantazh me anë të Bushic që në minutën e 11. U duk sikur Elbasanit do të pësonte një tjetër humbje të thellë, si ajo e një jave më parë ndaj Teutës, por tashmë me një trajnerë të ri ata arritën të barazonin shifrat në fundin e pjesës së parë. Kaculi ishte autori i një goli të mrekullueshëm, pasi realizoi në mënyrë të përkryer një goditje dënimi në hyrje të zonës.
Pjesa e dytë nisi me një Tiranë më kërkuese, por Elbasani ishte i vendosur mirë në mbrojtje. Atëherë kur u mendua se Elbasani bërë surprizën e javës, ishte Debatik Curri i cili realizoi në portën e Kotorrit. Vetëm 2 minuta para fundit Elis Bakaj u ndëshkua me karton të kuq.
Ndërkohë, në Vlorë, Flamurtari nuk mundi të shënonte ndaj Vllaznisë. Ndeshja u mbyll në barazim 0-0.
Pas kësaj javë Tirana udhëheq e vetme në kuotën e 10 pikëve, ndërsa Kukësi, Flamurtari dhe Partizani ndodhen në kuotën e 7 pikëve.
Me rrjeta të paprekura kanë përfunduar edhe dy takimet e fundit Apollonia-Skënderbeu dhe Teuta-Laçi që u luajtën në mbrëmje.
Top Channel
