Michael Schumacher del nga spitali
09/09/2014 00:00
‘Vetëm edhe një hap larg’/Ja çfarë iu tha Franco Foda futbollistëve të Kosovës pas fitores ndaj Sllovakisë 28/03 00:14
Michael Schumacher kthehet në shtëpi. Pas aksidentit të tmerrshëm me ski në alpet franceze në 29 dhjetor 2013, shtatë herë kampioni i Formulës 1 del nga spitali për të vazhduar trajtimin në banesën e tij.
“Rehabilitimi i Michael Schumacher do të vazhdojë në shtëpi. Gjatë muajve të kaluar ka bërë progres, por ka ende një rrugë të gjatë e të vështirë përpara”, tha menaxherja Sabine Kehm nëpërmjet një njoftimi për shtyp.
Më tej, ajo shpjegoi: “Nuk duhen nxjerrë konkluzione se gjendja shëndetësore e Schumacherit ka ndryshuar shumë.”
Në fund, Kehm ka falenderuar stafin e spitalit të Lozanës që ka trajtuar Schumin pas transferimit nga spitali i Grenobles. Michael Schumacher pësoi dëmtime të rënda në kokë nga aksidenti me ski në fund të vitit të kaluar.
Top Channel
