“Zërat e Rinj” të Nju Jorkut

“Zërat e Rinj” në Amerikë vjen për të dytin viti radhazi me krijime të reja muzikore dhe këngë që mbi të gjitha i bëjnë fëmijët të flasin shqip.

“Zërat e Rinj” është një aktivitet artistik i krijuar nga një çift bashkëshortësh të emigruar përpara 14 viteve në Amerikë, Pranvera dhe Lorent Cobo. Nismë e cila u ndërmor në mungesë të aktiviteteve të tilla për fëmijët e shqiptarëve atje. Dhe gjithë iniciativa u krijua si një nevojë për të trashëguar tek fëmijët gjuhën amtare, historinë, traditat dhe kulturën e vendit të origjinës.

Përpos këngëve të reja që prezantohen në këtë festival, në eveniment performohen edhe këngë edhe valle të traditës. Kjo me motivin e vetëm që fëmijët të njihen dhe të kultivohen me këto vlera të origjinës së tyre.

Rreth 40 fëmijë nga 6 shtete të ndryshme kanë marrë pjesë për çdo vit në festivalin e krijimtarisë së këngës për fëmijë “Zërat e Rinj”. Këngët janë kompozime të artistëve shqiptarë që jetojnë në Amerikë, por janë përfshirë në këtë bashkëpunim edhe kompozitorë shqiptarë.

Top Channel