Kosovë, treni godet veturën, 4 të plagosur
02/09/2014 00:00
“Do të të bëj masazh”/ Pezullohet nga detyra pedagogu i Universitetit të Prishtinës
23/04 14:13
Katër persona janë lënduar rëndë, kur një tren ka goditur një veturë. Ngjarja ka ndodhur në fshatin Çikatovë e Vjetër, në komunën e Drenasit.
Lajmin e ka konfirmuar për Top Channel edhe zëdhënësja e Policisë së Kosovës, Florije Ahmeti.
“Rreth orës 16:10 minuta ka ndodhur një aksident, gjatë të cilit një tren ka goditur një veturë të tipit Golf 4, në ngjyrë hiri. Në veturë ishin 1 mashkull dhe tri femra, të cilët janë dërguar për trajtim mjekësor në QKUK. Policia e Kosovës është duke e hetuar rastin”, ka thënë Ahmeti.
Mësohet se gjendja e dy prej të lënduarve është shumë e rëndë. Në rrethin e Drenasit, dhjetë ditë më parë, treni ka goditur për vdekje dy vajza.
Top Channel
