Erdogan kthen mbrapsht vlerësimin e hebrenjve
29/07/2014 00:00
Analiza; Gjërat duket se po shkojnë keq për kryeministrin britanik Rishi Sunak
20/04 17:58
Kryeministri turk, Recep Tayyip Erdogan, do të rikthejë një çmim të marrë në vitin 2004 nga Kongresi Amerikano-Hebraik, i cili e ka akuzuar atë për “retorikë të rrezikshme” kundër Izraelit.
Kongresi i ka kërkuar atij t’ia rikthejë çmimin e dhuruar për përpjekjet e paqes në Lindjen e Mesme. Ambasadori turk në SHBA tha se Erdogan do ta bënte me “kënaqësi” këtë gjë.
Ambasadori Serdar Kilic tha se nga Erdogan nuk mund të pritet të bëjë një sy të verbër ndaj aksioneve ushtarake të Izraelit në Gaza dhe në Bregun Perëndimor.
“Përpjekjet për të përshkruar kritikat legjitime të kryeministrit Erdogan ndaj sulmeve të qeverisë izraelite ndaj civilëve, si shprehje të antisemitizmit janë një shtrembërim i dukshëm dhe një përpjekje për të mbuluar gabimin historik të qeverisë izraelite”, tha Kilic në një letër, të cituar nga portali turk i lajmeve, Hurriyet.
Erdogan po bën fushatë për t’u zgjedhur president, muajin e ardhshëm, ndaj dhe ka kritikuar ashpër ofensivën e ushtrisë izraelite kundër militantëve palestinezë të Hamasit, në Gaza, ku më shumë se 1100 persona kanë vdekur deri më tani, shumica e të cilëve janë civilë.
Top Channel
