Gaza, nisin negociatat e reja

Plani egjiptian konkretisht jep zgjidhjen e tij duke i bërë thirrje të gjitha palëve për pushimin e luftimeve në Gaza, hapjen e kalimeve kufitare dhe për bisedime të nivelit të lartë mes atyre që janë përfshirë.

Izraeli i rinisi sulmet pasi u bë e qartë se Hamasi nuk do ta pranonte marrëveshjen. “Ne e ndaluam zjarrin, por Hamasi vazhdoi t’i bombardonte qytetet tona duke mbyllur kështu derën për një zgjidhje diplomatike, dhe për këtë arsye do t’i duhet t’i mbajë i vetëm përgjegjësitë për vazhdimin e dhunës”, deklaroi kryeministri Benjamin Netanyahu.

Sikundër dhe nga ana tjetër, krahu politik i Hamasit u shpreh se është një domosdoshmëri për të gjithë ndalimi i luftimeve dhe se ajo që palestinezët me të vërtetë duan është fundi i bllokadës izraelite në Gaza, ku sipas tyre ajo mbyt jetën e përditshme të 1.8 milion palestinezëve që jetojnë atje.

Gjithashtu, ata kanë akuzuar bllokun izraelit për moslirim të të burgosurve palestinezë nga burgjet izraelite, ashtu sikurse ishte rënë dakord në planin e armëpushimit të mëparshëm.

Por duket se Shtëpia e Bardhë e dënon Hamasin duke e konsideruar si shkaktar të trazirave dhe sekretari i Shtetit John Kerry tha se, është i përgatitur të udhëtojë për në Lindjen e Mesme që të mërkurën, nëse është e nevojshme.

Top Channel