Irak, vriten 29 persona pas një sulmi në bordello
13/07/2014 00:00
Disa persona të armatosur kanë vrarë 29 persona në dy bordello të Bagdadit, kryeqytetit të Irakut. 20 prej viktimave janë femra.
Sipas BBC, ngjarja ka ndodhur mbrëmjen e së shtunës në lindje të Bagdadit, në lagjen Zajuna. Ende nuk dihen shkaqet e masakrës.
Deri tani, asnjë grup nuk ka marrë përgjegjësinë për këtë sulm.
Sipas AFP, në një nga dyert e ndërtësave është shkruar: “Ky është fati i prostitucionit.”
Edhe në maj të vitit 2013 është sulmuar një bordello në lagjen Zajuna. Nga ai sulm u vranë 7 femra dhe 5 meshkuj.
Prostitucioni është i ndaluar në fenë islame, feja dominuese në Irak.
Top Channel