Shtyhet vizita e kryeministrit turk në Tiranë
13/05/2014 00:00
“Jam bërë pishman për bashkëpunimin me Nanon e Majkon”, Meta i shkon Berishës poshtë ballkonit: Më dole më seriozi! Erdha sonte si president… 27/04 21:31
Shtyhet për një kohë të mëvonshme vizita e kryeministrit turk Rexhep Taip Erdogan në Tiranë, paracaktuar për ditën e nesërme.
Vizita e numrit 1 të qeverisë turke është shtyrë për shkak të shpërthimit në minierë në një provincë të Turqisë. Lajmi konfirmohet për Top Channel nga burime zyrtare të qeverisë shqiptare.
Mbrëmjen e sotme kryeministri turk ka telefonuar kreun e qeverisë shqiptare Edi Rama, ku i ka konfirmuar shtyrjen e vizitës në Tiranë dhe mirëkuptimin për arsyet e saj.
Kreu i qeverisë sonë i ka shprehur homologut turk ngushëllimet e tij, qeverisë dhe popullit shqiptar për ngjarjen e rëndë, në të cilën thuhet se kanë humbur jetën të paktën 20 minatorë.
Konfirmohet se vizita e kryeministrit turk do të zhvillohet në një kohë tjetër, por që ende nuk është bërë e ditur data e saj.
Top Channel
