Fejesa e George Clooney
28/04/2014 00:00
“Simpatike, yll është”, Bora Zemanin komenton Heidin: S’kemi çfarë i themi…. 26/04 22:57
Më në fund George Clooney është fejuar dhe fatlumja është Amal Alamuddin, një avokate britanike e cila ka përfaqësuar themeluesin e WikiLeaks, Julian Assange.
Sipas ‘Daily Mail’, aktori i famshëm hollivudian i ka propozuar 36-vjeçares pas pushimeve ekzotike që i kanë kaluar së bashku këto 7 muajt e fundit.
52-vjeçari Clooney është fotografuar për herë të parë me Amalin në tetorin e vitit të kaluar në Londër. Në mars, ata shkuan në Tanzani, ku u fotografuan në safari e më pas kanë vizituar Sejshelin.
E fejuara e aktorit vjen nga një familje intelektuale libaneze e cila është larguar nga Bejruti për shkak të luftës kur Amali ishte shumë e vogël.
Të dielën, zëdhënësi i Clooney nuk e mohoi lajmin e fejesës, por tha: “Nuk komentoj jetën private të tij.”
George Clooney ka qenë i martuar më parë me aktoren Talia Balsam nga viti 1989 deri në vitin 1993. Kjo ka qenë martesa e vetme e tij.
Top Channel
