Algjeri, militantët vrasin 14 ushtarë
20/04/2014 00:00
OpenAI marrëveshje 38 miliardë dollarëshe me Amazon për akses në cloud 03/11 22:58
Militantët islamikë kanë vrarë gjatë ditës së diel 14 ushtarë algjerianë në një pritë ndaj autokolonës në malet në lindje të kryeqytetit Algjer, kanë thënë zyrtarët e sigurisë.
Mësohet se trupat ushtarake ishin nisur në një operacion për kapjen e militantëve në rajonin Tizi Ouzou. Sulmi mund të jetë kryer nga militantët e Al-Kaedas. Ky është sulmi më vdekjeprurës ndaj ushtarëve algjerianë prej disa vitesh.
Ngjarja ndodhi vetëm 3 ditë pas rizgjedhjes së presidentit 77-vjeçar, Abdel Aziz Bouteflika për një mandat të katërt.
Në vitet 1990 nisi një luftë civile 10-vjeçare në Algjeri mes qeverisë dhe kryengritësve islamikë, por tani militantët veprojnë vetëm në disa zona të izoluara, siç janë malet në lindje të kryeqytetit.
Top Channel
