5 vendet që fituan më shumë milionerë

Sipas një raporti të “New World Health”, Britania qe një ndër vendet më të mira të botës për vendqendrimin e milionerëve në dekadën e kaluar. Nga viti 2003 deri në 2013, Britania pati një fluks prej 114,100 milionerë, njerëz me pasuri prej të paktën 1 milion dollarësh.

Në vend të dytë renditet Singapori, me 45 mijë milionerë. Ky është vendi i dytë tërheqës në botë për njerëzit e pasur, falë politikave të taksave të buta dhe sigurisë. Në vend të tretë renditen SHBA-të, me 42 milionerë dhe më pas Australia dhe Hong-Kongu me nga 22,200 milionerë.

Por prej nga vijnë këta njerëz të pasur? Kryesisht vendi i origjinës së tyre është Kina. Po sipas këtij raporti, Kina pati një rrjedhje të  76,200 milionerëve në dekadën e fundit. India po ashtu është një vend i mirë prej nga dalin milionerët, me një numër prej 43,400 të tillë, e ndjekur nga Franca, Italia dhe Rusia.

Raporti thotë se milionerët kinezë po lëvizin drejt Hong-Kongut, Singaporit dhe Britanisë, milionerët indianë preferojnë Britaninë, SHBA-të dhe Australinë, ndërsa ata francezë dhe Italianë stacionohen kryesisht në Britani dhe në Zvicër.

Një numër i konsiderueshëm milionerësh zviceranë po ashtu po lëvizin kryesisht në Singapor, Britani dhe në Emiratet e Bashkuara Arabe.

Studimi tregon se Londra ka numrin më të madh të milionerëve me 333,300 të tillë, e ndjekur nga New York me 300, 100 , nga Tokio me 222,500 dhe Singapori 225, 000 milionerë.

Top Channel