Obama takon Papën më 27 Mars

22/03/2014 00:00

Presidenti amerikan, Barack Obama, do të takohet me Papa Françeskun më 27 Mars, në Vatikan. Data është zyrtarizuar nga Shtëpia e Bardhë.

Obama, – ka nënvizuar një këshilltar i presidentit, – “admiron
lidershipin e shfaqur nga Papa në vitin e parë të tij në krye të Kishës
Katolike Romane”.

New Jersey, 4 të vdekur nga zjarri në motel
Shkaqet e zjarrit ende të paqarta, u rrezikuan 40 persona
Të paktën 4 persona kanë mbetur të vdekur dhe disa të tjerë janë plagosur nga një zjarr, që ka shkatërruar një motel në New Jersey. Në momentin e rënies së zjarrit, shkaqet e të cilit janë ende të panjohura, në motelin e marinsave “Cove Motor Inn” në plazhin “Point Pleasant”, ishin rreth 40 persona. Zjarrfikësit kanë gjurmuar disa persona, të cilët fillimisht u raportuan të zhdukur.

Turqi, “Google” rrezikon mbylljen si Twitter
Nuk i është përgjigjur pozitivisht kërkesës për heqjen e një videoje nga qeveria turke

“Google” refuzon të pranojë kërkesën e qeverisë turke për të hequr nga “Youtube” videon e të presupozuarës korrupsion të qeverisë. Lajmi raportohet nga “Wall Street” Journal”, që nënvizon se refuzimi i “Google” mund të çojë në vendimmarrjen e Ankarasë për të bllokuar edhe aksesin në “Youtube”, pas bllokimit që i është bërë “Twitter”-it një ditë më parë.

Kanabis, sërish drogë e lehtë në Itali
Ligji i dekretuar italian konsideron hashashin dhe marijuanën si droga të lehta
Hashashi dhe Marijuana vazhdojnë të konsiderohen nga ligji italian si droga “të lehta”. Këtë parashikon dekreti-ligj i Ministrisë së Shëndetësisë, i publikuar në Fletoren Zyrtare, duke u dalluar kështu nga drogat “e rënda” si heroina, kokaina apo amfetamina.

Top Channel