Duket se Christina Aguilera po përgatit planet për një martesë dhe një fëmijë të dytë.
Një javë pasi këngëtari Matt Rutler dhe trajnerja e “The Voice”, zbuluan se ata ishin fejuar së bashku, raporte të ndryshme sugjerojnë se ata presin gjithashtu edhe fëmijën e parë të tyrin.
Aguilera, 33 vjeç, dhe Rutler, 29 vjeç, janë lidhur prej vitit 2010, kur Aguilera u nda nga ish-bashkëshorti i saj, Jordan Bratman. Ylli i muzikës solli në jetë djalin e saj, tashmë 6-vjeçar, Max, në vitin 2008, nga martesa me ish-bashkëshortin Bratman.
Ndonëse Aguilera duket se mezi priste ta bënte publik lajmin për fejesën e saj; ajo publikoi një foto me unazë në gisht, në Tëitter, më 14 Shkurt; ajo ende nuk ka pasur asnjë reagim ndaj raportimeve të shtatzanisë.
Duket se dikush pranë superstarit ka folur prapa krahëve të saj. Revista “People” citon një burim të brendshëm, i cili njofton se Aguilera dhe Rutler janë “tepër të dashuruar dhe shumë të lumtur për të ndërmarrë hapat e mëtejshëm”.
Top Channel
