Miranda Kerr shkëlqen, pavarësisht problemeve

10/02/2014 00:00

Kur vjen puna për të pozuar para aparateve, qoftë edhe lakuriq ajo largon tej sikletet duke treguar që është profesioniste në punën e vet.

Miranda Kerr këtë e tregoi më së miri edhe në setin e radhës fotografik për revistë “Ë”, ku shfaqet toples në disa imazhe bardhezi.

Imazhet publikohen në një kohë kur familja e 30-vjeçare, përfshirë këtu babai, nëna, vëllai dhe gjyshja e saj ndërmorën një hap të pazakontë duke iu lutur publikisht supermodeles që të rivendosë kontaktet me ta, që mungojnë prej më shumë se një vit.

Anëtarët e familjes së Kerr në një intervistë të gjatë për televizionin australian ABC thanë se nuk e kuptojnë vendimin e saj për të shkëputur lidhjet me ta. I ati i saj, John thotë madje se lajmin e ndarjes e mori vesh nga dhëndërri i tij, Orlando Bloom dhe jo nga vajza e tij.

Ai thotë se tashmë dëshiron që vajza e tij të martohet sërish, por këtë herë më një ‘person normal’, jo të famshëm.

Top Channel