Një histori pa fund, tipike për “gossip” me shumë thashetheme, nëse nuk do të ishte në mes një vogëlushe 1-vjeçare.
Historia e dashurisë mes Mario Balotelli-t dhe Raffaella Fico-s, e cila ka përfunduar në gjykatë, duket se ka arritur me të vërtet limitet.
Foshnja, e quajtur Pia, atësia e së cilës nuk është njohur ende nga sulmuesi i Milan-it, do të mësojë më në fund nëse Mario është babai i saj, për të mos lënë më asnjë hije dyshimi, pas testit të ADN-së që, me sa duket, do të bëhet në ditët e ardhshme, për t’i dhënë fund një hakmarrjeje personale, por që përfundoi në të gjitha mediat, mes dy protagonistëve.
Rezultatet e testit të ADN-së së Mario-s do të dalin në Maj, kur Balotelli – i cili aktualisht po përjeton një tjetër histori dashurie të stuhishme me Fanny-n, – do të mësojë përfundimisht nëse Pia e vogël është e bija e tij.
Rezultatet e ADN-së do të prezantohen në sallën e gjyqit pas 4 muajsh, nga konsulenti teknik i zyrës, i emëruar më 9 Janar nga gjykatësi Giuseppe Ondei, i tribunalit të Breshias.
Pia, e lindur më 5 Dhjetor 2012, jeton me të ëmën Raffaella, e cila i ka kërkuar gjithnjë Mario-s ta njohë atë si vajzën e tij. Por, SuperMario i është përgjigjur vazhdimisht me fjalët: “Nëse do të jetë vajza ime, do të bëj detyrën time si baba, deri në fund”.
Frazë e përsëritur gjithashtu edhe nga avokatët e tij, më 5 Dhjetorin e kaluar, kur u zhvillua seanca e parë gjyqësore. Në Maj merr fund e gjithë kjo histori.
Top Channel
