Kandidatët për drejtues të Teatrit Kombëtar janë Edmond Budina, Hervin Çuli dhe Laert Vasili. Lajmi u bë i ditur nëpërmjet një njoftimi nga Ministria e Kulturës, ku sqarohet se komisioni i ngritur për përzgjedhjen ka vlerësuar se platformat e paraqitura nga këta tre kandidatë janë më të plotat dhe në përputhje me objektivat artistike, kulturore dhe administruese për drejtuesin e institucionit në fjalë.
Deri më datë 13 janar, Budina, Çuli dhe Vasili do të paraqiten për të diskutuar platformat e tyre dhe më pas do të përcaktohet fituesi.
Edmond Budina është regjisor dhe aktor. Ai ka punuar edhe si pedagog në ish-Institutin e Lartë të Arteve dhe zv/drejtor i Degës së Artit Dramatik. Nga viti 1991 jeton në Itali.
Hervin Çuli, regjisor dhe aktor i veprave të vëna në skenën e Teatrit Kombëtar dhe në teatrot e rretheve. Ai ka qenë prej kohësh në qendër të debateve në radhët e artistëve për të ardhmen e teatrit shqiptar.
Laert Vasili, regjisor dhe aktor, i diplomuar në Akademine e Artit Dramatik në Athinë, ku edhe jeton prej shumë vitesh. Ka bashkëpunuar me shumë regjisorë të huaj dhe ka interpretuar në skenat greke.
Konkursi për zgjedhjen e drejtuesit të Teatrit Kombëtar u hap më 5 dhjetor. Ishin 11 aplikuesit. Përveç tre kandidatëve të përzgjedhur, edhe Spiro Duni, Alfred Trebicka, Alfred Bualjoti, Bledar Isallari, Vladimir Balla, Piro Kita dhe Armando Bora.
Top Channel
