Kryeministri britanik David Cameron i ka dhënë një shtysë të re debatit
që po zhvillohet në Britaninë e Madhe, por edhe në Gjermani mbi fluksin e
punëtorëve të huaj.
Shefi i Qeverise ne Londer pretendon percaktimin e kuotave për numrin e migrantëve nga vendet e tjera të BE, që mund të hyjne në Britani dhe të kërkojnë punë.
“Qeveria britanike eshte duke negociuar sërish pozicionet ne Europe. Ndaj duam te dijme: a mund te kemi rregulla me te rrepta per ardhjen e emigranteve sesa ato aktualet”, tha Cameron.
Ministria e Brendshme britanike mendon se numri më i madh i punëtorëve, që mund të shkelin kete vend brenda nje viti duhet të jetë 75 000. Shifer kjo, qe sic sqaroi Cameron ne nje interviste per BBC-ne, duhet të vlejë vetëm për anëtaret e ardhshme të bllokut. Kuota nuk ka të bëjë me bullgarët dhe rumunët, të cilët prej 1 janarit kanë të drejtë që të kërkojnë pune në të gjitha shtetet anetare te Bashkimit Europian. Por çdo kufizim i mundësisë së punësimit duhet të bëhet vetëm me ndryshimin e marrëveshjeve të BE, të ratifikuara nga të gjitha vendet dhe kjo nuk eshte e lehte. Cameron kembengul megjithate se emigrantët po e ngarkojne shume shoqërinë britanike dhe se ne vitet e qeverise laburiste, ne Angli jane vendosur rreth 2,3 milionë të huaj.
Top Channel
