Eva Herzigova është një nga modelet më të famshme të industrisë së modës, por ndryshe nga VIP-at e tjerë ajo nuk është aspak aktive në rrjetet sociale.
40-vjeçarja çeke nuk e kupton modën e të ndarit gjithçka nga jeta personale nëpërmjet Facebook-ut apo Twitter-it. Duke folur për revistën ‘Edit’, Herzigova deklaroi: “Në shoqërinë aktuale, njerëzit shesin edhe shpirtin në Facebook. Unë jam kundër këtyre rrjeteve sociale sepse nuk dua ta shes veten.”
Top modelja tregoi edhe sekretin e karrierës së saj 24-vjeçare: “Gjithmonë jam stërvitur shumë dhe kam zgjedhur punët e duhura.”
Eva Herzigova, nënë e 3 fëmijëve, zbuloi se mendonte se nuk ishte e përshtatshme për të qenë nënë: “Nuk e shihja veten me fëmijë. Ka femra që mendojnë gjithmonë për martesën dhe familjen. Unë kurrë nuk i kam dashur këto gjëra, por tani bashkëshorti dhe fëmijët janë gjithçka për mua.”
Top Channel
