Barbara: Gjithçka për “Champions”
25/11/2013 00:00
Superkupa e Italisë, fituesi merr deri në 11 milionë euro. Fitojnë edhe ata që nuk luajnë 17/12 01:26
Barbara Berlusconi karikon skuadrën dhe u kërkon përqendrim maksimal për të kaluar fazën e grupeve në Ligën e Kampioneve.
Vajza e presidentit Berlusconi në një takim me kapitenin kuqezi, Riccardo Montolivo premtoi vëmendjen e drejtuesve të klubit për ndërtimin e Milanit të së ardhmes, ku shumë emra aktualë mund të mos e gjejnë më veten.
“Jepni gjithcka për kalimin e turnit në Ligën e Kampioneve”, ishin fjalët e saj. Milani do të luajë të martën në transfertën e vështirë në Glasgou përballë Sëlltikut vendas. Kalimi i turnit shihet si thelbësor për kuqezinjtë, jo vetëm nga ana sportive, por edhe nga ajo ekonomike.
Por nëse në Ligën e Kampioneve situata duket më e favorshme, në Serinë A Milani ndodhet ‘vite dritë’ larg objektivit që është vendi i tretë, që do t’i garantonte pjesëmarrjen në Ligën e Kampioneve sezonin e ardhshëm.
Aktualisht kuqezinjtë ndodhen në kuotën e 14 pikëve në vendin e 13 dhe në katër takimet e fundit të Serisë A kanë marrë një humbje dhe tre barazime, i fundit ndaj Xhenoas në San Siro, rezultat që shkaktoi edhe zemërimin e tifozëve që për orë me radhë bllokuan lojtarët në stadium.
Top Channel
