Tryezë për mbrojtjen e fëmijëve nga dhuna
12/11/2013 00:00
Rënie e popullsisë, niveli më i ulët historik i lindshmërisë në tre muajt e parë të vitit! 481 lindje më pak sesa vdekje në Shqipëri
15/05 20:05
Në një tryezë të organizuar paraditën e të martës për mbrojtjen e
fëmijëve nga dhuna, zëvendëskryeministri Niko Peleshi kërkoi
bashkërendim të politikave për mbrotjen e të miturve nga abuzimet.
“Mbrojtja e fëmijëve është pasuria me koston më të lartë, por mbrojtja e tyre nga abuzimet dhe dhuna është një investim për të ardhmen”, u shpreh Peleshi.
Numri dy i Qeverisë theksoi se dhuna ndaj fëmijëve është e lidhur mjaft edhe me problemet ekonomiko-sociale që ka sot Shqipëria, duke shtuar se edhe mosarsimimi është dhunë ndaj fëmijëve, duke i imponuar atyre injorancë.
Nga ana e tij ministri i Mirëqënies Sociale Erjon Veliaj u shpreh se fëmijët që nxirren në rrugë janë në gjendje shumë të keqe, ndërsa sipas tij denoncimi i pedofilisë mbetet ende tabu për shoqërinë shqiptare.
“Nuk ka prioritet më të madh se adresimi i çështjeve së abuzimit me fëmijët”, u shpreh Veliaj.
Top Channel
