Kandidatët për drejtues në Drejtoritë Arsimore të të gjitha qarqeve në vend filluan të parin nga dy testet që do të zhvillojnë në datat 11 dhe 12 nëntor për marrjen e detyrës në të cilën kanë aplikuar.
Ministrja Lindita Nikolla ishte të hënën e pranishme në ambientet e Fakultetit Ekonomik në Tiranë ku u zhvillua testi i parë, ai me shkrim. Znj. Nikolla siguroi se procesi i përzgjedhjes së fituesve do të jetë transparent. Pikërisht për shkak të transparencës ministrja tha se kandidatët do të përzgjedhin dhe do të korigjojnë njëri–tjetrin.
Të martën në ambientet e Ministrisë së Arsimit dhe Sporteve do të kryhet faza e dytë e testimit të kandidatëve, të cilët do të merren në pyetje nga një komision i përbërë nga specialistë të arsimit të cilët kane hartuar edhe testin.
Pas shpalljes së fituesve të testit, cdo kandidat në qarkun ku ka aplikuar do të gjykohet nga një komision i përbërë nga kandidatë të tjerë që kanë kryer testin dhe qytetarë të cilëve kandidatët do t’u paraqesin vizionin dhe planin për zhvillimin e arsimit në qarkun e tyre.
Top Channel
