Haga tërhiqet për ish-kryespiunin libian
11/10/2013 00:00
Washington Post: Dronët iranianë goditën stacionin e CIA-s në ambasadën në Riad 03/03 22:58
Gjykata Ndërkombëtare e Krimeve në Hagë i dha dritën jeshile gjykatave libiane për të gjykuar Abdullah al-Sanussi, ish-kreu i shërbimeve të inteligjencës gjatë regjimit të Muamer Gedafit.
Vendimi i dhënë nga Haga nënkupton se kjo e fundit do të tërheqë kërkesën e saj për të gjykuar al-Sanussin. Ai akuzohet nga Gjykata Ndërkombëtare e Krimeve për krime kundër njerëzimit dhe krime lufte gjatë nisjes së protestave anti-Gadafi.
Sanussi u ekstradua në Libi nga Mauritania vitin e kaluar.Ndaj tij rëndojnë dhjetra akuza, ndërsa emri i tij qarkulloi në media pas kërkesës së Hagës për ta gjykuar atë. Autoritetet libiane refuzuan këtë kërkesë duke deklaruar se do ta gjykonin vetë.
Nëse gjendet fajtor për akuzat e ngritura ndaj tij Sanussi rrezikon dënimin me vdekje në Libi, ndërkohë që në Hagë mund të shpëtonte me një burgim të përjetshëm.
Top Channel
