Bumçi: Rama, fushatë spastrimi në administratë
01/10/2013 00:00
Rama për ‘La Repubblica’: Engjëll Agaçi po baltoset si të ishte kriminel! Përgjigjet e tij nuk u përdorën nga gazetari 24/04 19:47
“Edi Rama ka nisur një fushatë spastrimi në administratë. Gjatë këtyre ditëve janë pushuar nga puna 6 konsuj tanët në kohën që kryeministri ishte në avion.”
Kështu është shprehur Aldo Bumçi, deputet i Partisë Demokratike dhe ish-ministër i jashtëm, duke akuzuar kryeministrin Rama se po “denigron” shërbimin e jashtëm shqiptar.
“Këto ditë janë pushuar nga puna disa punonjës të shërbimit të jashtëm, ndërkohë që kryeministri ishte në avion. Shërbimi i jashtëm po trajtohet në mënyrë denigruese. Është një dëm shumë i madh që po i bëhet imazhit të Shqipërisë me largimin e 6 konsujve”, deklaroi Bumçi.
“Kryeministri duhet të analizojë punën e shërbimit të jashtëm e pastaj të marrë vendime pasi bëhet fjalë për një administratë që përfaqëson Shqipërinë në Botë. Rama e ka paragjykuar gjithmonë shërbimin tonë të jashtëm edhe pse sot vendi ynë ka një vend të barabartë në tryezën e NATO-s dhe është në dyert e BE-së”, shtoi Bumçi.
Top Channel
