Edicioni i pestë i “Prifest”

Në programin FOCUS, e veçanta e këtij edicioni do të jetë kinematografia e Amerikës Latine, me 5 filma nga Brazili, Argjentina, Kili, Kolumbia dhe Peruja. Festivali hapet me premirerën botërore të filmit “Ne të tre”.

Vjosa Berisha, drejtoreshë e “PriFest”, shprehet: “Kemi nderin e madh që t’i japim hapësirë regjisores së re Blerta Basholli me filmin “Ne të tre”. Kosova ka një specifikë në kinematografi: ka shumë femra regjisore të cilat po korrin sukses edhe në festivale ndërkombëtare.”

Këtë vit festivali ka gjetur mbështetjen e kompanisë Digitalb, që do të jetë sponsor i artë i festivalit, bashkë me kompaninë Ipko.

Agim Poçari, drejtor i programacionit në Digitalb, theksoi: “Regjisorët kosovarë duhet ta shohin Digitalb-in si një dritare ku mund të transmetojnë pasi Digitalb-i nuk është i Shqipërisë apo i Kosovës, por i të gjithë shqiptarëve që jetojnë nëpër Europë.”

Ndërsa, Alban Kastrati nga Ipko nënvizoi: “Qëllimi është të mbështesim kulturën e Kosovës.”

“Prifest” do të zgjasë deri më 27 shtator dhe do të ketë një juri ndërkombëtare të përbërë nga profesionistë të filmit, producentë, përfaqësues të festivaleve e përzgjedhës të filmave.
 

Top Channel