Ndonëse ndërruan jetë më parë gjatë vitit, James Gandolfini dhe Cory Monteith do të rikthehen nga shtatori edhe një herë të fundit në ekranet televizive.
Gjiganti i serialit “Sopranos”, Gandolfini, i cili u shua për shkak të një infarkti të pësuar në Romë në moshën 51-vjeçare, rikthehet me rolin e tij të fundit në komedinë “Enough Said”.
Për ironi të fatit, roli i Cory Monteith është i njëjtë me atë që i shkaktoi vdekjen.
Ylli i serialit “Glee”, i cili u nda nga jeta për shkak të një mbidoze në moshën 28-vjeçare, luan rolin e një toksikomani në “McCanick”.
Gjithashtu, ai është protagonist edhe i një filmi dramatik në transmetim, “All the Wrong Reasons”, që ka në qendër të vëmendjes jetën e disa personazheve, pas disa ngjarjeve traumatike që i ndodhin secilit.
Top Channel
