Massa: E ardhmja te Ferrari? E pasigurt

Massa, në një intervistë të publikuar në gazetën sportive spanjolle “AS”, theksoi se mbetet optimist për një përmirësim të mundshëm të rendimentit të tij në pjesën e mbetur të Botërorit të Formulës 1, por pranoi se “në fund, do të jenë rezultatet ato që do të përcaktojnë të ardhmen e tij”.

“E ardhmja ime nuk është ende e qartë, por mundësia për të qëndruar është këtu dhe më e rëndësishmja në këtë moment janë rezultatet”, deklaroi braziliani.

“Jam i kënaqur për ritmet që kam vendosur në prova zyrtare, por duhet të rrisim rendimentin tonë në garë, ku duhet të jemi shumë më të qëndrueshëm”, shtoi Felipe.

Megjithatë, problemi më i madh i pilotit të dytë të Ferrarit, është krahasimi me dy herë kampionin e botës brenda skuadrës, Fernando Alonson.

Që prej vitit 2010, kur spanjolli mbërriti në skuadër, ai ka arritur të ngjitet 38 herë në podium, në krahasim me dhjetë herët e Massës, ndërsa diferencat duket se vijnë gjithmonë e në zmadhim.

Top Channel