Kukësi pranë zonës së play off-it

Në raundin e tretë ata kanë arritur të kalojnë me sukses ndeshjen e parë, përballë një kundërshtari që në letër as mund të guxonin ta mendonin rezultatin pozitiv.

Megjithatë, fitorja 2-0 për trajnerin Cungu, duke ditur edhe forcën e kundërshtarit, është një rezultat i mirë, por jo i sigurtë.

“Futbolli është një sport i çuditshëm, që shpesh herë ka pasur rezultate të papritura. Ne nuk do të fluturojmë, por do të qëndrojmë me këmbë në tokë. Rezultati është i mirë, por nëse nuk djersisim do të kemi probleme serioze”, deklaron Cungu.

Mbërritja shumë pranë zonës së play off-it të Europa Legue, një rekord ky për futbollin shqiptar, tashmë ky objektvi i ri për skuadrën e Kukësit vlen më shumë se sa një premio financiar, ose të paktën e kalon atë në plan të dytë.

“Duhet të bëjmë maksimumin jashtë energjive tona, të cilat duhet t’i shfaqim në fushën e lojës. Fakti që jemi një hap larg turit të tretë do të ishte një mëkat të mos e arrinim këtë objektiv jo vetëm për Kukësin, por gjithë futbollin shqiptar”, thekson Cungu.

Problemi më i madh në pamje të parë për skuadrën e Kukësit, e cila niset mëngjesin e së mërkurës për në Ukrainë, janë dëmtimet dhe mungesat.

Një mungesë e rëndësishme është Malakrne, i cili me 99% të mundësive nuk do të luajë në ndeshjen e kthimit, ashtu si edhe Musolli. Gjithësesi, pjesa tjetër e skuadrës është e gatshme dhe mbi të gjitha e motivuar për t’ia dalë mbanë sërish.

Top Channel