Racizëm ndaj Konstant
24/07/2013 00:00
Sfida mes Andorrës dhe Kombëtares shqiptare, FSHF nxjerr në shitje biletat 07/11 15:54
Koret raciste rikthehen në stadiumet italiane dhe viktima bien sërish lojtarët me ngjyrë të skuadrës së Milanit.
Pas Boateng, muaj më parë, ishte Konstant ai që braktisi fushën e lojës gjatë sfidës Milan-Sasuolo, e vlefshme për trofeun simbolik “TIM”.
Futbollisti francez në një moment goditi topin drejt stadiumit dhe braktisi fushën. Pas shpatullave të tij një grup tifozësh lëshuan kore raciste.
Fillimisht u mendua se ai ishte përjashtuar nga gjyqtari i takimit, por vetë ky i fundit deklaroi se mbrojtësi nuk ishte larguar nga fusha për shkak të kartonave.
Rasti në fjalë u shtohet incidenteve me sfond racist ku më parë është përfshirë Boateng, Balotelli dhe tani Konstant. Drejtuesit e skuadrave dhe ata të federatës italiane dënuan incidentin dhe njoftuan nisjen e hetimeve për zbardhjen e tij.
Top Channel
