Defekt në OST, Tirana pa energji
23/07/2013 00:00
Fiks Fare/ Shantazhoi qytetaren se do i publikonte fotot nudo, pezullohet polici. Ndërmjetësi kërkon të sqarojë pozicionin e tij, zhytet më keq!
08/05 20:41
Kompania CEZ Shpërndarje njofton për ndërprerjen e energjisë elektrike
në disa zona të Tiranës, për shkak të një defekti në Operatorin e
Sistemit të Transmetimit.
Mësohet se energjia mungon në rrugën “Luigj Gurakuqi”, në zonën rreth sheshit “Avni Rustemi”, në rrugën “Tefta Tashko”, “Beqir Luga” dhe në rrugën “Fadil Rada”.
Gjithashtu, pa energji është e gjitha zona rreth bulevardit “Dëshmorët e Kombit”, duke përfshirë disa prej institucioneve që pozicionohen përreth tij, si Presidenca, Kryeministria, disa ministri dhe Bashkia e Tiranës.
Energjia elektrike është ndërprerë edhe në zonën e ish-Bllokut, në rrugën “Qemal Stafa” dhe “Kostandin Kristoforidhi”.
Grupet e punës po punojnë për riparimin e defektit dhe rikthimin e energjisë në kryeqytet
Top Channel
