Pat Symonds, i cili deri tani kishte detyrën e këshilltarit teknik të skuderisë Marussia F1 Team, ka arritur një marrëveshje me skuderinë Williams për tu bashkuar me këtë ekip duke nisur nga 19 gusht si drejtori i ri teknik.
Marrëveshja u arrit pas largimit të Mike Coughlan, i cili mbante postin që tashmë do i takojë Symonds-it.
Në 30 vitet e tij në Formulën 1, Symonds ka punuar me më të mirët e këtij sporti. Bashkëpunimet e tij me Michael Schumacher dhe Fernando Alonso kanë sjellë 32 fitore, 3 tituj për konstruktorë dhe 4 për pilotë.
“Williams është një ekip i mbushur me suksese në inxhinieri dhe ndihem i nderuar që marr këtë detyrë të rëndësishme dhe do të përpiqem të kthej këtë skuderi në majat e larta”, theksoi Pat Symonds.
Top Channel
