Bagdad, sulm dyqaneve me pije alkoolike, viktima
15/05/2013 03:20
Një aeroplan me dy vende rrëzohet në Filadelfia, plagosen pasagjerët 01/04 22:36
Disa agresorë, me armë me silenciator, kanë sulmuar një seri dyqanesh alkooli në Bagdad, duke lënë 12 persona të vdekur, sipas zyrtarëve.
Personat e armatosur mbërritën me 4 automjete dhe u përmbajtën ndaj një polici në postbllok, në distriktin lindor të Zayouna-s, ku ndodheshin dyqanet.
Më pas nisën të qëllonin në momentin kur dyqanet ishin në kulmin e xhiros, teksa udhëtarët ndalonin për të blerë ndonjë pije, para se të ktheheshin në shtëpitë e tyre.
Për momentin, asnjë grup apo individ nuk ka marrë përsipër përgjegjësinë e sulmit. Policia është cituar të ketë thënë se dyqanet sapo ishin rindërtuar, pasi kanë qenë objektiva sulmesh me bomba edhe vitin e kaluar.
Që pas rënies së Saddam Hussein aktivitete, që perceptohen si në kundërshtim me kodin e moralit të Islamit, kanë qenë vazhdimisht objektiva sulmesh, teksa dyqanet e alkooleve kanë qenë ndër më të preferuarat në Bagdad dhe qytete të tjera.
Militantë islamikë në Irak kanë përshkallëzuar sulmet gjatë muajve të fundit, gjithsesi, niveli i dhunës mbetet shumë herë më i ulët se sa kulmi i arritur në vitet 2006-2007.
Top Channel
