Bregu: 200 arsye për të mos votuar Ramën

Bregu ka kujtuar se 200 ditë më parë, Bashkimi Europian deklaroi se Shqipëria ishte një hap larg marrjes së statusit, por që të kapërcehej ky hap u vendos vetëm një kusht: votimi i 3 ligjeve.

“Në plot 200 ditë, vazhdimisht e vazhdimisht, Rama pati vetëm një impenjim: bllokimin e këtyre 3 ligjeve, bllokimin e aspiratës europiane të të gjithë shqiptarëve. Në çdo seancë parlamentare të zhvilluar në këto 200 ditë, Rama e ka refuzuar, i ka thënë me këmbëngulje “jo” kërkesës së përhershme të maxhorancës për t’i votuar 3 ligjet”, ka deklaruar Bregu.

Sipas saj, sot qytetarët shqiptarë kanë mbi 200 arsye për të mos e votuar Edi Ramën dhe dhe opozitën që ai drejton.

“Çdo gënjeshtër, manovër politike gjasme evropiane, alibi pa sens e shpesh kontradiktore, është një arsye më shumë që shqiptarët të mos votojnë Edi Ramën”, ka deklaruar Bregu. Ajo ka renditur edhe pasojat që sipas saj ky bllokim u ka shkaktuar shqiptarëve.

“Për 200 ditë, bashkë me statusin Edi Rama u ka mohuar qytetarëve dhjetëra milionë euro fonde të Bashkimit Europian. Ai vazhdon t’u mohojë shqiptarëve dhjetra-mijëra vende pune që lidhen me
integrimin e vendit në BE, si dhe vazhdon t’u mohojë të rinjve mundësi
studimi, kualifikimi dhe karriere profesionale në vendet më të mira
europiane”, ka thënë ministrja e Integrimit.

“Ne do të vazhdojmë të punojmë fort për anëtarësimin e Shqipërisë në BE, ashtu siç e meritojmë. Kemi ecur në rrugën e duhur, duke përmbushur çdo ditë detyrimet e reformat që kërkon ky proçes dhe nuk do të ndalemi. 23 qershori do të jetë dita e fundit e bllokimit. Blloku që Rama u ngriti shqiptarëve do t’í bjerë kokës atij vetë më 23 qershor”, ka shtuar ajo. 

Top Channel