“Të këqijat e mëdha ia bëmë vetes”

Qosja tha se nxitjen për këtë libër e mori nga ngjarja e rëndë e 21 janarit, ngjarje që siç tregon ai, i shkaktoi një pakënaqësi të madhe, duke bërë që libri të hapet me kapitullin: Shteti Vrasës.

“Protestues të Anglisë hyjnë në Kuvendin e Anglisë, sikurse edhe në vende të tjera të botës. Bëjnë edhe shkatërrime, por nuk i vret policia. Te ne i vranë dhe nuk jam i sigurt se herë të tjera nuk do të vrasin”, u shpreh Qosja.

Qosja foli për pakënaqësinë, zhgënjimin, revoltën për atë që e quan “pushtetin e dhunshëm në Shqipëri”, që nis që nga gjuha e përdorur.

“Ku në botë qeveritë flasin me atë gjuhë fyese dhe kërcënuese? Pse të ndodhë tek ne kështu? Ka ardhur koha ta ndërrojmë këtë gjuhë politike”, theksoi Qosja.

Akademiku Rexhep Qosja, i pyetur më pas nga gazetarët për zhvillimet politike, përshëndeti bashkimin e opozitës shqiptare dhe shprehu bindjen tek fitorja e saj në qershor.

I pyetur për ndërhyrjet në standartin e gjuhës shqipe, Qosja tha se ka nevojë për pasurimin e saj, por nuk duhet të ndryshohet standarti dhe përjashtimet të bëhen rregulla, pasi kjo është e rrezikshme për gjuhën.

Top Channel