Swift: Të gjithë jetën beqare

08/04/2013 18:45

Tylor Swift beson se mund të qëndrojë për të gjithë jetën beqare. Në një intervistë për revistën “Wonderland”, 23-vjeçarja foli me zemër të hapur për tipin e saj të vështirë, stilin e jetës dhe zhgënjimet e jetës dashurore, që përfshirë këngëtarin Joe Jonas, aktorin e “Twilight” Taylor Lautner, aktorin e “Glee”, Cory Monteith, muzikantit John Mayer, aktorin Jake Gyllenhaal dhe këngëtarin e grupit “One Direction”, Harry Styles.

“Nuk e kam idenë nëse do të martohem, nëse do të kem një familje apo do të jem gjithmonë beqare. Gjithmonë e kam menduar veten si një grimcë uji në oqean dhe e mendoj të vështirë të gjesh atë grimcë të përshtatshme në një larmi të tillë zgjedhjesh dhe njerëzish”, deklaroi këngëtarja.

“Marrëdhëniet janë si semaforët. E unë kam atë teorinë time, ku nuk dua të toleroj, se lidhjet mund të ekzistojnë vetëm nëse drita është jeshile”.

E shumëvlerësuar për hiret e saj, këngëtarja më e njohur e muzikës country zbuloi se nuk ka asnjë plan afatgjatë në mendjen e saj. “Nuk e di ku do të jem pas një viti, gjashtë muajsh, dy muajsh apo edhe pas disa javësh. Nuk e di as se si do të jem emocionalisht, mendërisht, çfarë qëllimesh do të kem, objektivash, dëshirash apo çfarë shprese”, tha Swift.

Top Channel