Një ditë pas deklaratës së Ministrisë së Ekonomisë lidhur me mos
depozitimin e garancisë së kontratës nga kompania ‘Vetro Energy’ për
privatizimin e Albpetrol, opozita kërkoi shpjegime lidhur me
vazhdimësinë e procesit të privatizmit.
Zëvendësministri i Ekonomisë Enno Bozdo tha se, siç parashikon ligji do të procedohet me ofertat e tjera, ndërsa ka nisur procedura për sigurimin e garancisë së ofertës së parë, prej 85 milionë eurosh. Por deputeti i opozitës, Eduart Shalsi shkoi edhe më tej duke vënë në pikëpyetje madje edhe ekzistencën e garancisë së ofertës.
Enno Bozdo: Kemi ndjekur të gjitha hapat ligjore, kemi ezauruar afatin e pare, kemi përmbushur kërkesën e kompanisë për një afat të dytë, në çastin qe ky afat ka mbaruar kemi bere kerkesen per sigurimin e ofertes dhe eventualisht do te procedohet me ate qe është renditur i dyti, i treti apo i katërti siç e kerkon ligji dhe sic e kerkon rregulli.
Eduart Shalsi: Me kete qe ju thoni sot prapë ka nje kontradite te madhe. ‘Nuk ka plotesuar kushtin’. Mund te me thoni cfare do te thote nuk ka plotesuar kushtin e garancise se kontrates? Ke raste privatizimi ku garancia leshohet diten qe firmoset kontrata, pra jeni te gatshem te firmosni kontraten dhe kompania e vendit te pare nuk e paraqet. Nderkohe qe eshte dhene nje pergjigje edhe ne lidhje me garancine e ofertes, nese ekziston, eshte adekuate, eshte konform asaj qe ju keni kerkuar apo jo”.
Enno Bozdo: Derisa Ministria deklaron qe hapi perfundimtar, perpara firmosjes nuk eshte plotesuar nga kompania do te thote qe te dyja palet kane rende dakord per kontraten”.
Eduart Shalsi: Kaq pra desha te di, negociatat kane perfunduar dhe i vetmi problem eshte qe kompania nuk paraqet garancine e kontrates.
‘Vetro Energy’ ofroi 850 milionë euro për blerjen e Albpetrol dhe Qeveria thotë se kjo ofertë është e mbuluar sipas ligjit me garancinë përkatëse prej 10 për qind ose 85 milionë euro, e cila është verifikuar nga konsulenti ‘Patton Bogs’.
Top Channel
