Në pranga inspektori i tatimeve
14/10/2012 00:00
Tentuan të korruptojnë policinë për të shmangur ndëshkimin, në pranga dy shtetas 15/09 11:27
Drejtoria kundër Krimit Financiar në Departamentin kundër krimit të organizuar të krimeve të rënda në Policinë e Shtetit, në bashkëpunim me njësinë e përbashkët hetimore Task Forcë pranë Prokurorisë së rrethit Gjyqësor Tiranë, prangosën në flagrance ditën e shtunë shtetasit Hysen Qani Çibuku, 55 vjeç, banues në Tiranë, me detyrë Inspektor në njësinë e tatimpaguesve të mëdhenj (VIP) pranë Drejtorisë Rajonale Tatimore Tiranë dhe Erlind Ilirjan Idrizaj, 24vjeç, banues në Fier, i punësuar ekonomist pranë një subjekti privat.
Sic njofton “Shqip”, arrestimi i dy shtetasve të mësipërm, i realizuar në kuadër të operacionit të koduar ‘Amnistia’, erdhi pas veprimeve hetimore nga ku rezultoi se në bashkëpunim me njëri-tjetrin, Çibuku dhe Idrizaj i kanë kërkuar përfaqësuesit të një biznesi shumën prej 30 milionë lekësh (të vjetra), për të mundësuar faljen e një gjobe të vënë ndaj tij nga Drejtoria e Përgjithshme e Tatimeve.
Materialet procedurale në ngarkim të këtyre shtetasve do i kalojnë Prokurorisë së rrethit gjyqësor Tiranë nën akuzën e kryerjes së veprës penale të “korrupsionit pasiv nga persona që ushtrojnë funksione publike”.
Top Channel
