Në vitin 2012 ka fituar famë ndërkombëtare me filmat ‘The Avengers’ dhe ‘The Bourne Legacy’ e tani Jeremy Renner po provon një lloj tjetër aksioni.
Aktori luan rolin e një gjuetari shtrigash në filmin e tij më të ri, përshtatjen për kinema të përrallës Hansel dhe Gretel të vëllezërve Grimm.
Traileri i filmit nis me Hansel (Jeremy Renner) dhe Gretel (Gemma Arterton) që ndjekin shtrigat, të cilat ushqehen me fëmijët e vegjël që humbasin në pyll. Ata kërkojnë të hakmerren për fëmijërinë e tyre, kur një shtrigë i rrëmbeu dhe ata shpëtuan për mrekulli pasi u arratisën nga shtëpia e saj e karameleve dhe e dogjën atë në sobën e saj.
15 vitë më vonë shfaqen Hansel e Gretel të rritur dhe të shndërruar në gjuetarë të pamëshirshëm që synimin kryesor kanë vrasjen e shtrigës Muriel, të interpretuar nga Famke Jenssen.
Regjisori norvegjez, Tommy Wirkola, e konsideron këtë film si një “horror-aksion të përgjakshëm”.
Filmi do të shfaqet për herë të parë më 11 janar të vitit 2013.
Top Channel
