Një verë me humor Portokalli

Mijëra njerëz ndoqen aktorët, të cilët kanë performuar rreth 20 numra duke ndezur atmosferën verore me shumë muzikë dhe improvizime të çastit.

Nata ishte e veçantë dhe e rrallë, pasi për herë të parë sheshi në qendër të qytetit, nuk u mbush nga pjesëmarrës në takime të detyruara politike, por për kënaqësinë dhe freskinë që përcjell humori i “Portokallisë”, që stigmatizon fenomene të së përditshmes.

Të qeshura dhe duartrokitje pa fund ka patur gjatë spektaklit, ndërsa surprizë ka qenë imitimi i kryebashkiakut të Kavajës, Elvis Roshi dhe reagimi i publikut.

“Verë dhe Portokalle” solli gjallëri dhe një fundjavë ndryshe në Kavajë. Në skenën u ngjitën personazhet e njohur të spektaklit të humorit me pjesë nga më të mirat e sezonit. Për publikun ishte një moment i veçantë, pasi mundën të kenë kontakt të drejtpërdrejt me aktorët, të cilët deri më tani i kishin ndjekur në ekranin e Top Channel çdo të diel mbrëma. Kjo ka qenë ndalesa e pestë e trupës së ‘Portokallisë’, e cila do të vijoje turin edhe ne qytete te tjera te vendit.
 

Top Channel