Shkodër, xhamia 300-vjecare
17/03/2012 18:15
Artizani që nuk pushon kurrë! Josif Muça 82 vjeç, ende bën punime druri: Puna është jetë!
13/04 12:45
Gjatë punimeve që po kryhen për rikonstuksionin e ambjentit rrethues në xhamin e plumbit në qytetin e Shkodrës, janë zbuluar rrënojat e një tjetër xhamie të vjetër, që sipas drejtuesve të komunitet musliman, ky objekt ka vlera të rralla arkitekturore dhe kulturore pasi i përket një ndërtimi rreth 300 vite më parë.
Rrënojat e zbuluara i përkasin xhamisë që njihej me emrin “Xhamia e Qafës”, një lagje kjo në hyrje të qytetit të Shkodrës rrëzë Kalasë Rozafa, buzë lumit Drin.
Sipas Myftiut të Shkodrës, Muhamet Syrtari objekti i zbuluar është një monument me mjaft vlerë që flet shumë për qytetin dhe si i tillë duhet që Insituti i Monumeteve të Kulturës ta klasifikojë si trashëgimi kulturore.
Themelet e kësaj ndërtese shekullore janë dëmtuar dhe nga vëndosja e tubacionit të ujësjellësit që furnizon gjithë lagjen me ujë të pijshëm, dëmtim i cili është kryer me qëllim nga regjimi i asaj kohe.
Në ekspedita të ndryshme arkeoligjike në këtë zonë janë nxjerrë në siperfaqe herë pas here zbulime që e klasifikojnë qytetin e Shkodrës si nje nga zonat me një vlerë të rrallë historike dhe kulturore.
Top Channel
