Japonia, një vit nga tsunami

15 mije e 850 persona humben jeten, tre mije persona u shpallen te humbur dhe mbi 120 mije ndertesa u shkaterruan. Por termeti me magnitudë 8.9 grade te shkalles Rihter shkaterroi nje pjese te mire te infrastruktures dhe te mjedisit, duke perfshire rruge, porte, rrjetet e furnizimit me energjie elektrike, te telekomunikacionit, si dhe tre reaktore ne centralin berthamor te Fukushimes.

Ambasadori i Japonise ne Shqiperi Masaharu Kohno pas nje viti ka theksuar se shteti japonez e ka rimarre veten, nga kjo goditje e rende, e cila e preku nje vit me pare.

“Ishte nje vit shume i veshtire per ne, por Japonia e kaloi ate. Ne fund te vitit 2011, ne kemi mbyllur nje pjese te madhe te demeve ne Japoni, tani duhet te ndjekim disa hapa te fundit, siç eshte çeshtja e riorganizimit te potencialeve energjitike. Mentaliteti i qytetareve japoneze eshte te mesojne nga ajo cfare u ndodh. Ne do te perpiqemi te bejme nje rinovim te teknologjise. 5 –6 për qind e GDP-së totale ishte kostoja e kesaj fatkeqesie, çka do te thote qe kete vit, ne do te presim qe ekonomia te shkoje ne normalitet.  Ne u mbeshtetem nga shqiptaret dhe nga vendi juaj, çka ne e vleresojme shume. Dhe do te donim duke ia kthyer mbeshtetjen tuaj, duke ndare informacionin me ju dhe vendet e tjera”, tha ambasadori Kohno.

Ambasadori japonez, ka vleresuar mbeshtetjen e dhene nga Shqiperia, duke theksuar se bashkepunimi mes dy vendeve do te jete me i forte, edhe ne fushen e biznesit.

“Marredhenia jone eshte e re, por tani do te kemi me shume lidhje mes Shqiperise dhe Japonise, qe do te thote se do te kemi me shume potenciale per te ardhmen. Une si ambasador dua ta promovoj Shqiperine dhe te ftoj qytetaret japoneze te vine ne vendin tuaj, ku ka shume potenciale per t’u shfrytezuar”, tha Kohno.

1-vjetori tragjedisë, ceremoni e Ambasadës Japonez 

Per te perkujtuar te gjithe personat qe humben jeten nje vit me pare, ambasada japoneze mbajti një koncert, në sallen e Akademisë se Arteve ku performuan instrumentiste japonezë dhe shqiptarë.

Në ceremoninë e zhvilluar me rastin e 1-vjetorit të katastrofës natyrore në Japoni ka marrë pjesë edhe kryeministri Berisha.

Ai deklaroi se viktimat do ishin më të shumta nëse nuk do përballej gjithcka me solidaritetin e një kombi të fuqishëm.

Sali Berisha: Ambasadori theksoi se Japonia është sërish në këmbë. Zoti ambasador ne asnjëherë nuk e pamë vendin tënd në lëkundjen e këtyre tragjedive të gjunjëzuar. Shqiptaët së bashku me kombet e tjera u përpoqen të bëjnë kontributin e tyre modest dhe ndihma jonë ishte ndër më modestet, por unë ju garantoj ju se ndjenjat tona, dhimbshuria, solidariteti ndaj jush kanë qenë disa herë më të mëdha se sa ndihmat me të cilat kemi kontribuar. Ju shpreh ju, kombit dhe vendit tuaj mirënjohjen time më të thellë për mbështetjen e madhe, të gjithëanëshme që i keni dhënë dhe u jepni Shqipërisë dhe shqiptarëve në përpjekjen e tyre për të ndërtuar shoqërinë e lirë, ekonominë e tregut dhe integrimin ne proceset europiane dhe euro-atlantike.

Top Channel