Ndarjet dhe divorcet e vitit 2011
28/12/2011 11:10
Alba akuzon rëndë Meri Shehun, astrologia braktis studion pas sherrit 24/11 18:38
Viti 2011 ka qenë i mbushur me ndarje dhe divorceve të çifteve të famshme. Një nga ndarjet më të bujshme ka qenë ajo e Demi Moore nga Ashton Kutcher, çiftit që kishte 16 vjet diferencë (ajo 49 vjeç; ai 33 vjeç).
Aktorët tregonin gjithmonë marrëdhënien e tyre të veçantë si në publik ashtu edhe në rrjetin social Twitter ku ishin shumë aktivë, por Moore i dha duart partnerit të saj kur zbuloi se ai e kishte tradhëtuar me një vajzë 23-vjeçare.
Tjetër divorc i bujshëm ishte ai i Kim Kardashian nga Kris Humphries, vetëm 72 ditë pasi ishin martuar. Ceremonia martesore kushtoi 10 milionë dollarë dhe Kim u pendua 3 muaj më vonë dhe i kërkoi divorcin basketbollistit, i cili ende nuk e ka kapërdirë këtë ndarje.
Edhe Arnold Schwarzenegger u braktis nga bashkëshortja e tij Maria Shriver kur kjo e fundit zbuloi se aktori dhe ish-guvernatori i Kalifornisë e kishte tradhëtuar me shërbyesen dhe për më tepër kishte një fëmijë me të.
Jennifer Lopez u nda nga Marc Anthony pas 7 vitesh martesë. Së bashku kanë binjakë.
Ndarja e fundit në kohë ka qenë ajo e pilotit të Formulës 1, Fernando Alonso, nga bashkëshortja e tij Raquel del Rosario pas pesë vitesh martesë.
Top Channel
