“TI”: Korrupsioni shkaktoi revolten në L. e Mesme

01/12/2011 00:00

Korrupsioni ishte nje prej arsyeve kryesore qe ngriti ne revolta
njerezit ne Lindjen e Mesme dhe mbare boten. “Transparency
International” i sheh protestat e ketij viti si tregues te rendesishem
te faktit qe qytetaret kerkonin me shume transparence e pergjegjesi nga
lideret e tyre dhe institucionet.

Raporti i si sivjetshem i agjensise radhiste Zelanden e Re, Danimarken dhe Finlanden si vendet me nivelin me te ulet te korrupsionit ne listen e 183 shteteve te marra ne shqyrtim. Fenomeni lulezonte nga ana tjeter ne Somali, Korene e Veriut dhe Afganistanin.

“Sivjet kemi pare korrupsionin te shfaqej si shqetesimi kryesor i protestuesve”, thote shefja e “Transparency International”, Huguette Labelle. Qofte ne Europen e goditur rende nga kriza e borxhit, qofte ne boten arabe, ku po nis nje ere e re politike, udheheqesit duhet t`i vene veshin kerkesave per nje qeverisje me te mire.

Ne renditjen e saj te pervitshme, agjensia i klasifikon vendet sipas vleresimeve te bera ne nje shkalle nga zero tek 10-ta, bazuar ne nje seri vezhgimesh te kryera prej saj. niveli 10 do te thote “shume paster”, ndersa zero-ja eshte tregues i nje niveli jashtezakonisht te larte korrupsioni.

Me se shumti, vleresimet mbeshteten ne shkallen e perceptuar te korrupsionit ne sektorin publik. Nje pjese e mire e vendeve te Lindjes se Mesme qe paten trazira politike, ishin klasifikuar nga niveli kater e poshte, pozicion mjaft i ulet ky ne indeksin e agjensise. “Transparency International” ka leshuar qe ne fillim te vitit paralajmerime mbi rrezikun e korrupsionit ne rajon, duke theksuar se nepotizmi, mitmarrja dhe klientelizmi ishin rrenjosur aq thelle ne jeten e perditshme, sa ligjet ekzistuese antikorrupsion nuk benin me efekt.   

Top Channel