Tjetër krim i rëndë në familje

Burime policore zyrtare bëjnë të ditur se një 50-vjecar ka qëlluar për vdekje me armë zjarri bashkëshorten e tij.

Sipas burimeve, ngjarja ka ndodhur në Bërxullë, ku shtetasi Arif Serjani ka qëlluar me cifte në ambjentet e shtëpisë bashkëshorten e tij, Arjana.

Burimet shtojnë më tej se pas vrasjes së 45-vjecare, autori i krimit është vetëdorëzuar në komisariatin e policisë.

Berat, burri ekzekuton bashkëshorten

Më herët, në fshatin Moravë të Beratit, një 61-vjecar ekzekutoi me mjete të forta bashkëshorten e tij, pas një grindjeje të castit.

Bashkim Myrteli goditi me dhunë gruan e tij Resmie Myrteli, 56 vjec, e cila mbeti e vdekur në vend.

Policia arrestoi pak momente pas ngjarjes autorin e krimit. Cifti kishte 4 fëmijë dhe mesa duket prej kohësh kishte konflikt.

Burri vret gruan përpara vajzës 2 vjec

Krimi brenda familjes tronditi dy javë më parë Tiranën, kur një burrë vrau me thikë gruan e tij në praninë e vajzës 2-vjecare.

Bashkëshorti e qëlloi disa herë gruan duke e lënë të vdekur në vend. Ngjarja e rëndë ndodhi në banesën e familjes Hysa, në afërsi të doganës në kryeqytet.

Kryefamiljari Ismet Hysa, pas një sherri banal me gruan e tij Edlira Doci, 27 vjec, e goditi atë disa herë me thikë, duke i marë jetën.

Pas krimit autori u largua menjëherë nga banesa duke marrë me vete vajzën e tij 2-vjecare, e cila në momentin e vrasjes ka qenë personi që pa skenën e krimit të kryer në banesë nga i ati. Policia arriti ta arrestonte vrasësin pas disa ditësh.

Top Channel