Turqi, kamerat e rrugës filmojnë tërmetin
11/11/2011 02:09
Drejtonte kartelet që kërcënuan princeshën e Holandës, Spanja liron “aksidentalisht” bosin e drogës 23/04 22:54
Kanë ardhur edhe pamjet e para nga goditja e fundit e tërmetit në Turqi. Kamerat tregojnë hotelin 6 katësh që u shemb për pak sekonda. Nga ky tërmet 12 persona humbën jetën, ndërsa 28 u nxorrën nga rrënojat.
Kamerat e vendosura në rrugë, treguan forcën e tërmetit prej 5.7 ballësh të shkallës Rihter që goditi sërish lindjen e Turqisë.
Kamerat ishin të vendosura në qytetin e Vanit, ku jetojnë një milionë banorë. Nga pamjet gjithcka dukej e qetë, por pas disa minutash, gjithcka ndryshoi. Hoteli 6 katësh, u rrafshua brenda pak sekondash.
Pamjet vazhdojnë më tej kur gjithcka tundet me forcë, ndërsa njerëzit përpiqen të largohen nga ndërtesat apo makinat. Pluhuri shihet kudo.
Të paktën 12 persona humbën jetën, ndërsa 28 të tjerë, u nxorrën të gjallë nga rrënojat.
Tërmeti i fundit goditi jugun e Vanit ndërsa epiqendra e tërmetit të 23 tetorit, që shkaktoi vdekjen e 600 personave u rregjistrua në verilindje të qytetit.
Ende mijëra familje jetojnë në kampe të improvizuar dhe përballen me temperaturat e ulta dhe të ftohtin.
Top Channel
