Bosnja njeh vulat doganore të Kosovës
19/10/2011 15:55
Një shpërthim në Zveçan, granata e dorës në oborrin e një shtëpie shkakton… 18/04 10:46
Bosnje e Hercegovina ka vendosur të njohë vulat doganore të Republikës së Kosovës.
Lajmin e bëjnë të ditur mediat kosovare, sipas të cilave vendimi i është komunikuar Ministrisë kosovare të Tregtisë dhe Industrisë.
Sipas burimeve, me këtë vendim Bosnje e Hercegovina pret që pala kosovare të shfuqizojë masat e reciprocitetit për mallrat që hyjnë në vend nga BeH.
Burimet shtojnë më tej se Ministria e Tregtisë dhe Industrisë do të ndërmarrë shumë shpejt hapat e nevojshëm për t’iu përgjigjur këtij vendimi, në përputhje me rregullat e përcaktuar nga marrëveshja CEFTA.
Masat e reciprocitetit qeveria e Kosovës i vendosi pasi Bosnja dhe Serbia nuk pranonin hyrjen e mallrave kosovare me vulën “Republika e Kosovës”.
Masa në fjalë u shfuqizua me Serbinë, me të cilën përdoren vulat “Dogana e Kosovës”. Mes dy vendeve qarkullojnë kamionë me mallra prej muajit shtator, por më shumë nga aksi Serbi-Kosovë sesa Kosovë-Serbi.
Top Channel
