Japonia frenon jenin
04/08/2011 12:25
FOTOT/ Akuzat për korrupsion ndaj senatorit amerikan! Mori shufra ari, zarfe plot me para dhe “Benz” luksoz në këmbim të… 12/05 21:09
Qeveria e Japonisë ka ndërhyrë në tregjet monetare për ta dobësuar jenin dhe për të arritur rritjen ekonomike.
Ministri i financave, Yoshihiko Noda, tha se ky veprim u ndërmor për ta mbrojtur ekonominë japoneze, derisa ky vend e vazhdon rindërtimin nga tërmeti i 11 marsit dhe cunami shkatërrues që pasoi.
Dollari amerikan u forcua kundër jenit japonez, pas kësaj ndërhyrjeje, duke arritur vlerën prej 78 jenësh, pasi e kishte arritur nivelin më të ulët këtë javë, kur vlente vetëm 76 jenë.
Ekspertët thonë se jeni i fuqishëm mund ta dëmtojë ekonominë japoneze duke e reduktuar vlerën e të ardhurave të jashtme të korporatave të Japonisë dhe duke i bërë eksportet japoneze në tregjet e jashtme shumë më të shtrenjta.
Dollari ishte dobësuar në tregjet monetare për shkak të shqetësimeve për perspektivën e rritjes ekonomike të Shteteve të Bashkuara.
Top Channel
