Kur Shakira ishte tifoze e Real Madrid
27/04/2011 11:50
Shakira shihet tashmë në Camp Nou duke ndjekur ndeshjet e Barcelonës dhe duke “vuajtur” kur gjërat nuk shkojnë mirë për katalanasit.
Arsyeja është Gerard Pique, mbrojtësi spanjoll i Barcelonës, me të cilin kohët e fundit këngëtarja ka bërë publike lidhjen e saj.
Jo gjithmonë ka qenë kështu. Shakira ka qenë tifoze po kaq e flaktë e rivalëve historikë të Barcelonës, Real Madrid. Ajo është fotografuar me futbollistët madrilenë dhe në një rast ka qenë së bashku me presidentin e ekipit, Florentino Perez, në Bernabeu.
Perez i dhuroi këngëtares bluzën me numrin 5 të Zidane, i cili ka qenë futbollisti i preferuar i këngëtares.
Por, tashmë gustot e saj kanë ndryshuar.
Top Channel