Kreu i PS-së, Edi Rama prezantoi kandidaten për bashkinë e Burrelit të propozuar nga “Aleanca për të ardhmen”, Afelina Farriçi.
Ai ka deklaruar se qeveria duhet të japë llogarin për çmimet e larta dhe varfërinë në vend.
“Berisha ankohet për shpifje, por 1 milion shqiptarë të papunë nuk janë shpifje. Qeveria rrit pagat njëherë, ndërsa çmimet 10 fishohen”, tha Rama.
“Berisha të japë llogari për varfërinë, për çmimet e ushqimeve dhe naftën 180 lekë”, shtoi kreu i PS-së.
Gjatë takimit me simpatizantë të PS-së, Rama ka dhënë mbështetjen e tij edhe kandidatin për bashkinë e Bulqizës, Myfit Duriçi.
Si një “sundim” dhe jo “qeverisje”, me këto fjalë Rama ka përshkruar qeverisjen e këtij qyteti nga Sali Berisha.
Zoti Rama është ndalur edhe në problemet e përditshme të Bulqizës duke fajësuar qeverisjen e keqe dhe grabitjen që po i bëhet kësaj zone të pasur me krom.
Sikurse edhe nga Peshkopija, Rama është ndalur në shitblerjen e votës. Edi Rama ka premtuar një rishikim të të gjitha konçesioneve të kromit në zonë, nëse e majta vjen në pushtet.
Top Channel