SHBA: Jo ndarjes së Bosnjes
08/04/2011 11:00
Ambasada bën bashkë bizneset shqiptare në Kosovë, synohet rrjetëzimi dhe bashkëpunimi mes tyre 31/10 16:54
Shtetet e Bashkuara të Amerikës kanë shprehur qëndrimin e tyre të prerë kundër ndarjes së Bosnje e Hercegovinës.
Ambasadori amerikan në Sarajevë, Patrick Moon ka deklaruar se qytetarët boshnjakë duhet ta pranojnë se e ardhmja e tyre është në Bosnje dhe se për ta nuk ka zgjidhje tjetër.
“Ndarja e cilësdo pjese të vendit, jo vetëm që është anti-kushtetuese, por edhe e pamundur. Retorika, e cila sugjeron një gjë të tillë, është e papranueshme dhe e rrezikshme”, ka pohuar Moon.
Ai ka theksuar se vetëm Bosnja e bazuar në Kushtetutë dhe ligje mund ta realizojë qëllimin e integrimit në Bashkimin Evropian.
“Ndryshimi i mëtejshëm i kufijve të brendshëm nuk është i mundur. Cdo interes politik që fokusohet tek ndryshime të pamundura territoriale vetëm sa do të nxisë ndarje etnike dhe do të largojë vëmendjen nga reformat”, ka shtuar Moon.
Top Channel
